سؤال محيرنى

من طرف **samsoma** السبت أغسطس 18, 2007 3:04 am

يا جماعة انا فى سؤال بجد بجد محيرنى........

سألت فيه كتير وكان كل حد بيقول حاجة مختلفة عن التانى.......
فقولت اشوف رأيكم انتم......
السؤال
يا ترى لو اتنين كانوا بيحبوا بعض وافترقوا ينفع الحب اللى كان بينهم ده يتحول لصداقة ؟؟؟؟؟ بس صداقة بجد مش مجرد كلمه وبتتقال.......
بقيه السؤال بقى
لو اتنين كانوا اصدقاء بجد وبيحكوا لبعض على كل حاجة ينفع الصداقة دى تتقلب لحب بجد؟؟؟؟؟؟؟
طبعا انا بتكلم هنا عن صداقة بين بنت وولد
مستنيه رأيكم يا ريت تفيدونى فى الموضوع ده

من طرف **Aoya** السبت أغسطس 18, 2007 12:59 pm

هو ممكن الصداقة تتقلب حب لو الاتنين صادقين في مشاعرهم

لكن صعب ان الحب يتقلب صداقة

من طرف **loleta** السبت أغسطس 18, 2007 6:16 pm

صعب او يا سوما ان الحب يتقلب لصداقه ازاى تكونى مع شخص كنتى متخيلاه فى الدنيا كل حاجه وفى الاخر تبصى تلاقيه ماينفعش يبقالك حاجه صعب اوى انك تقبليه صديق لان اكيد اى حد بيحب بيتخيل مستقبله مع حبيبه فى كل حاجه اما يضيع الحب ده ماينفعش نبقى اصدقاء استحاله لانها هتبقى صعبه وهتفتكرى كل حاجه كنتى بتحلمى بيها معاه ولو اى حد قبلها يبقى بيضحك على نفسه فى الاول قبل ما يضحك على الناس

وميرسى على سؤالك الجميل ده يا قمر

من طرف **samsoma** السبت أغسطس 18, 2007 8:55 pm

العفو يا قمرات

وميرسى ليكوا انتوا على مروركوا وردكوا
وفعلا هو ده كمان كان رأيى
بس لما سألت ناس تانيه اتضحلى ان فى ناس بجد الحب عندها بيتقلب صداقه مش عارفه ازاى؟؟؟؟؟؟؟؟؟؟؟؟
حد عارف؟؟؟؟؟؟؟

من طرف **Aoya** السبت أغسطس 18, 2007 11:34 pm

يبقى دي يا سوما ماكانتش بتحب حد

ازاي كنتي بتحبي حد وبتتخيلي عمرك وبقية حياتك معاه وانه شخص مميز بالنسبة لك غير اي حد تاني وفجأة تعامليه زيه زي اي صديق ده عمره ما ينفع طبعا لو كنا بنحب بجد

من طرف **samsoma** السبت أغسطس 18, 2007 11:57 pm

او ممكن هى تكون كانت بتحب بجد وبعدين هى بتقول كده نوع من رد الكرامه يعنى او المكابرة

من طرف **Aoya** السبت أغسطس 18, 2007 11:59 pm

يعني ايه يا سوما مش فاهمة قصدك؟؟؟؟

يعني هي هتحول الحب ده لصداقة
بس ده صعب جدا جدا جدا

من طرف **samsoma** الأحد أغسطس 19, 2007 12:08 am

مش قصدى

انا قصدى انها تقول ان لو هو اللى انهى علاقه الحب دى معاها فهى هتقوله اوكى احنا من اللحظه دى بقينا صحاب
وانا كان قصدى انها بتقول كده كلام بس يعنى نوع من رد الكرامه ليها اكن الموضوع مش فارق معاها يعنى
هو ده قصدى .يا ترى فهمتينى؟؟؟؟؟؟؟؟؟؟

من طرف **Aoya** الإثنين أغسطس 20, 2007 10:37 pm

اه طبعا فهمتك وانا شايفة ان ده اكيد بيحصل

بس ممكن هي تقول كده وبردو بتحبه يبقى هتتعب اوي

من طرف **loleta** الثلاثاء أغسطس 21, 2007 1:31 pm

اكيد طبعا هتتعب يا سوما زى ما اويا قالت لانه هيكون بكده ادامها طول الوقت وهتفضل تفتكر اللى كان بينهم على طول

طب وعلى ايه تعب القلب ده

من طرف **samsoma** الثلاثاء أغسطس 21, 2007 7:36 pm

ما هى طبعا هتتعب وتتألم كتير جدا

بس بردوا لما تبقى صديقه ليه هتبقى قريبه منه بردوا وكمان عشان كرامتها يعنى

من طرف **Aoya** الثلاثاء أغسطس 21, 2007 9:18 pm

يعني هي هتفضل بردو تحبه حتى وهما صحاب؟؟؟؟؟؟؟

من طرف **loleta** الثلاثاء أغسطس 21, 2007 11:07 pm

ماينفعش يا سوما انها تعوض الحب بالصداقه وانها بكده هتقول منا برضو هبقى قريبه منه

فين الغيره اللى هتكون موجوده ساعتها لو حكالها على انو بيحب حد او كده
انا من رايى انو استحاله اصلا
هو بس الاكتفاء بالسؤال مش اكتر تكريما للذكرى اللى كانت بينهم مش اكتر

من طرف **Aoya** الثلاثاء أغسطس 21, 2007 11:11 pm

صح يا لولا كلامك 100 100

سؤال محيرنى

سؤال محيرنى

رد: سؤال محيرنى

رد: سؤال محيرنى

رد: سؤال محيرنى

رد: سؤال محيرنى

رد: سؤال محيرنى

رد: سؤال محيرنى

رد: سؤال محيرنى

رد: سؤال محيرنى

رد: سؤال محيرنى

رد: سؤال محيرنى

رد: سؤال محيرنى

رد: سؤال محيرنى

رد: سؤال محيرنى