حوار بين الجد والحفيده سنه2080

من طرف **samsoma** الأحد أغسطس 19, 2007 10:51 pm

عام 2080

الحفيدة : جدو تامر إزيك .. حلو البدي اللي انت لابسه ده . بس ده
موضة قديمة قوي يا جدو
الجد : يا بنتي أنا راجل دقة قديمة وبالبس زي ما جيلنا اتعود وحسب
التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه؟
الجد : أبداً ده هو ده اللبس المحتشم اللي مفروض الكل يلبسه
ويحافظ عليه .. فين أيام زمان لما كنا بنلبس البدي اللي مبين البطن
والظهربس، مع البنطلون السترتش الجلد والجوانتي الجلد... كانت حاجة
آخر روشنة

الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما
يعلم بيها إلا ربنا .. فين أيام سنة 2002م ، هو الواحد فينا كان
يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة
اسمها أخلاق
الحفيدة : معقول يا جدو؟ للدرجة دي؟؟

الجد : أمال انتي فاكرة إيه .. وبعدين كانت الست من دول ما تلبسش
اللبس الخليع بتاع اليومين دول .. يعني الجيبة كان لا يقل طولها عن
شبر ونص .. وكانوا الستات يلبسوا فوقيها بلوزة باستمرار ..مش زي دلوقتي

الحفيدة : يا خبر .. وإيه كمان ياجدو
الجد: ح أقول لك إيه ولا إيه .. يعني خدي عندك مثلاً .. زمان كنا
نسمع الطرب الأصيل لمطربين حقيقيين زي تامر حسنى ، وعمرو دياب ،
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني

الحفيدة: ومين الست دي يا جدو
الجد: في حد مايعرفش الست...نانسي عجرم طبعا
الحفيدة : وبعدين
الجد : وبعدين كنا نسمع على حاجة اسمها اسطوانات ليزر ، ودي صحيح
انقرضت ، بس
كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ،، كانت أيام جميلة
الحفيدة : حكاويك ممتعة قوي يا جدو .. ثانية واحدة بس لما أصحي
سوسو صاحبي
لأنه بايت معايا في الأودة من امبارح ..

بعد عدة دقائق.. هيه يا جدو .. وبعدين
الجد : أحلى أيام بقى كانت أيام الدراسة ، الفصل كان على أيامنا
رايق وعدد التلاميذ فيه ما يزيدش عن ستين سبعين تلميذ ، وكنا ساعتها
بنعرف نفهم الدرس كويس مش زي دلوقتي ، وكانت الشوارع أيامها فاضية
الحفيدة..معقول يا جدو بجد؟

الجد : أمال إيه .. علشان كده كانت كل حاجة رخيصة ، يعني مثلاً
كيلو اللحمة يوم ما يضربه الدم كان يبقى بخمسين جنيه أو بخمسة
وخمسين جنيه ، وكان أتخن جوز جزمة بمتين وخمسين جنيه ، وكان الواحد
يقدر يشتري شقة تمليك بـ 350 الف جنيه بس .. وكان الدولار بستة جنيه بس تخيلي بقى؟
الحفيدة : ما هو علشان كده كان الجواز على أيامكم كان سهل خالص
الجد : أمال .. ده احنا الواحد مننا كان بمجرد ما يوصل سن 35 سنة
يبتدي يفكر في الجواز على طول ، وما كانش عندنا الأفكار الغريبة
اللي بتعملوها دلوقتي زي إن البنت تعد مع الولد كام سنه قبل الجواز
علشان يتعرفوا على بعض أكثر زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن
ساعتها يخاصمها

الحفيدة : ده انتوا كنتوا متزمتين خالص ياجدو!!
الجد : يا بنتي إحنا اتربينا على الأخلاق والفضيلة والعادات
والتقاليد .. يعني كان الواحد مننا زمان لما يدخل الأسانسير ويلاقي
جاره في الأسانسير ممكن يفكر يصبح عليه ، ومش بعيد كان يسأله عن
أحواله ... وكانوا أهل الفن محتشمين جداً وكانوا دايماً يطلعوا
بالمايوهات البيكيني ، والمذيعات كانوا يقعدوا جنب الضيف مش على
ركبته زي دلوقتي... هيـ يـ يـ يـ ـه الله يرحم دي أيام

الحفيدة : رايح فين يا جدو
الجد :كنت موصي الجزار على اتنين كيلو لحمة وأعطيته ثلاثة
آلاف جنيه عربون وعايز أروح أطمن إذا كانت اللحمة وصلت ولا لأ ..

من طرف **loleta** الأحد أغسطس 19, 2007 11:51 pm

هههههههههههههههههههههههههههههههههههه

جميله اوى اوى
ده كده على 2080زى ما بتقولى الناس مش هتلبس هدوم اصلا
وكانو متزمتين علشان البت اتاخرت عن 4 صباحا

من طرف **samsoma** الثلاثاء أغسطس 21, 2007 8:38 pm

هههههههههههههههههههههه

طبعا طبعا
ده احنا طلعنا محافظين جدا واحنا ما نعرفش

من طرف **Aoya** الثلاثاء أغسطس 21, 2007 10:52 pm

ههههههههههههههههه

جامدة جدا جدا يا سوما
بس عبال ما تيجي2080 هيكون اسم تامر ده من سنة 2045

من طرف **loleta** الثلاثاء أغسطس 21, 2007 11:00 pm

هههههههههههههههههههههههههههههههههههه

ادعى بس اننا نعد لحد 2080 ونشوف هيحصل ايه

من طرف **Aoya** الثلاثاء أغسطس 21, 2007 11:02 pm

هههههههههههههههههههههههههههههههههههه

يا واحنا هنقعد كل ده

من طرف **loleta** الأربعاء أغسطس 22, 2007 12:13 am

يا عالم

ربنا قادر على كل شىء

من طرف **samsoma** الخميس أغسطس 23, 2007 3:36 pm

ليه احنا هنخلل فى ام الدنيا؟

هناخد زمنا وزمن غيرنا ولا ايه؟
وبعدين احنا لو اعدنا كل ده هنبقى قدام اوووووووووووووى

من طرف **loleta** الجمعة أغسطس 24, 2007 11:00 pm

بس هنبقى اجداد زى العسل والله

من طرف **samsoma** السبت أغسطس 25, 2007 8:47 pm

اه وربنا المعبود

بس مش لما نبقى امهات الاول
وهنبقى امهات مسخرة بردوا Laughing

من طرف **loleta** الأحد أغسطس 26, 2007 12:26 am

هههههههههههههههههههههههههههه

عندك حق والله يا سوما انا مش متخيله نفسى انى هبقى ام فى يوم من الايام

من طرف **samsoma** الأحد أغسطس 26, 2007 6:26 pm

ههههههههههههههههههههههه

ليه يعنى يا بنتى؟؟؟؟؟؟

من طرف **loleta** الأحد أغسطس 26, 2007 10:43 pm

برضو هربيهم ازاى دول هخليهم فاشلين اكيد

انا اصلا بقول هخلى عيالى ايه مظبطين خلقه ربنا

من طرف **samsoma** الإثنين أغسطس 27, 2007 5:50 pm

ههههههههههههههههههههه

والله يا بنتى انا كمان متوقعه كده
بس انتى عارفه
يعنى اكيد امهتنا بردوا كانوا بيفكروا احنا هنبقى ازاى
واحنا طلعنا كده وده بالنسبه لنا عادى
بس هما ما كانوش بيعملوا كده على ايامهم يعنى
فأكيد بردوا الحاجات اللى عيالنا هيبقوا بيعملوها عادى فى ايامهم
وفرصه ننحرف معاهم احنا كمان Laughing

من طرف **loleta** الإثنين أغسطس 27, 2007 6:23 pm

هههههههههههههههههههههههههههههه

ما احنا اصلا هنعلمهم الانحراف واكيد هما هيكون عندهم وسائل انحراف احدث يبقو يعلموهلنا بقى

من طرف **samsoma** الإثنين أغسطس 27, 2007 8:14 pm

ههههههههههههههههههههههههه

اه يا بنتى والله
تخيلى كده واحنا بنعلم عيالنا الانحراف الله الله الله
صدق اللى قال الام مدرسه فصولها كتير وربنا
وهما كمان يعلمونا يا سلاااااااااااااااااام
حاجة اخر حلاوة والله
بس فى تصليح هما مش هيعلمونا دول هيأدبونا

من طرف **loleta** الثلاثاء أغسطس 28, 2007 2:40 pm

ههههههههههههههههههههههه

ايوه معلش انا غلطت انا نسيت انهم هيأدبونا دول هيطلعوه علينا اصلا
ربنا يستر علينا

من طرف **samsoma** الثلاثاء أغسطس 28, 2007 3:11 pm

اللى بنعمله فى الناس هيطلع علينا يا معلم

من طرف **loleta** الثلاثاء أغسطس 28, 2007 11:11 pm

اكيد من عمل يعمل ولو بعد حين

ده احنا مصيبه من مصايب الزمن

من طرف **samsoma** الأربعاء أغسطس 29, 2007 1:33 am

ههههههههههههههههههههههه

رحم الله امرىء عرف قدر نفسه

من طرف **loleta** الأربعاء أغسطس 29, 2007 4:13 pm

ايوه طبعا انا بعترف ده كفايه اللى عملناه يوم سان ستيفانو مانبقاش مصايب ولا ايه

من طرف **samsoma** الخميس أغسطس 30, 2007 4:01 pm

ههههههههههههههههههههه

يلا افضحينا على المنتدى بقى
واحنا مش ناقصيين فضايح يا خالتى

من طرف **loleta** الخميس أغسطس 30, 2007 5:08 pm

ههههههههههههههههههههههههههههههه

هوا احنا لسه هنتفضح ماخلاص واللى كان كان
ماتخافيش المنتدى بتاعنا مافيش حد بيدخله

من طرف **samsoma** الجمعة أغسطس 31, 2007 5:56 pm

لالالالالالالالالالا

ان شاء الله المنتدى هيشغل بس ينزل على جوجل بس
وهمتنا احنا بقى

حوار بين الجد والحفيده سنه2080

حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080

رد: حوار بين الجد والحفيده سنه2080