الحب من طرف واحد

من طرف **samsoma** الثلاثاء أغسطس 28, 2007 1:18 am

النهاردة هانتكلم فى حالة من حالات الحب اللى بتحصل لقلوب كتيرة من قلوب شبابنا ويمكن مرينا بيها قبل كدة

او لسة فيها او هانمر بيه

الموضوع او الحالة دى بتتكلم عن (( الحب من طرف واحد ))

افتكر كتير منكم سمع عنوان الموضوع دة او الحلقة دى وشوفنا فيها اسالة كتيرة وشكوى كتيرة

بس انهردة عاوزين نعرض حلول الحالة دى ونحاول نلاقى حل اكيد يقدر كل شاب يستفيد او يستعين بية ويحل بية المشكلة دى اذا قابلتة فى حياتة العاطفية

دلوقتى اسال نفسك لو انت بتحب انسان ومش عارف اية مشاعرة اتجاهك اية رد فعلك ؟؟

ولو انت لقيت انسان بيتقرب منك وحاسس انة بيحبك وعاوز يقدملك مشاعرة وانت ما عندكش اى مشاعر اتجاهه يا ترى اية هايكون ردك ؟

اسالة كتيرة ممكن نسالها لنفسنا فى الحب من طرف واحد

هانتظر اجابتكم واسالتكم وهاناقشها مع بعضا باذن الله

من طرف **loleta** الثلاثاء أغسطس 28, 2007 2:24 pm

بصى يا سوما موضوع الحب من طرف واحد ده صعب جدا بصراحه مقدرش اتخيل نفسى فى الموقف ده انى احب حد وهوا مش حاسس بيا خالص انا قبل كده قولت ان الفتاه لو حبت واحد تروح تقوله علشان الحب ده مايضعش من اديها وكده بس بجد العمليه دى هتبقى صعبه جدا لان الكلام غير الفعل زى ما بيقولو

والاصعب عندى كمان ان الاقى حد بيحبنى وانا مافيش اى مشاعر تجاهه انا كده هتعذب علشانه كتير بس مش هقدر اعمله اى حاجه لان هيبقى حرام عليا لو انا خدعته
بس انا الحل عندى فى السؤال الاولانى انى ممكن احسسه انى بحبه بس بطريقه مافيهاش جرح لكرامتى عن طريق انى ممكن ابينله اهتمامى بيه غير الباقى وكده غير كده بصراحه مش هقدر انى ارح اقوله ممكن الاقيه رافض الموضوع اصلا كده هيكون شكلى وحش اوى
اما بقى لو لقيت حد بيحبنى وانا مش بحبه فده مش هقدر اعمل اى حاجه غير انى انسحب من حياته علشان ما يتعلقش بيا اكتر من كده ويتعذب واحاول افهمه بطريقه ظريفه انه مش هينفع واننا ممكن نكون اصدقاء هيكون افضل بالنسبالى وياعالم ممكن احبه
وميرسى يا سوما على التوبيك الحلو ده

من طرف **samsoma** الثلاثاء أغسطس 28, 2007 8:35 pm

ميرسى يا جميل على ردك

بس لو ما ينفعش انك تنسحبى من حياته هيبقى ايه هو رد فعلك؟

من طرف **loleta** الثلاثاء أغسطس 28, 2007 10:28 pm

مش عارفه والله يا سوما اصلا انا الموقف ده بيبقى صعب جدا بالنسبالى بس ممكن اقوله اننا نكون اصدقاء اه هيا هتبقى صعب عليه بس انا مش هيكون فى ايدى حاجه اعملها اكتر من كده بدل ما اقوله بحبك واكون بخدعه

وياريت لو عندك حل تانى تقوليلى عليه

من طرف **samsoma** الأربعاء أغسطس 29, 2007 5:33 pm

صراحه انا ما عنديش حل تانى

لانى بردوا رأيى كده فى الموضوع ده
ومتهيألى ان ده هو التصرف الصح

من طرف **loleta** الأربعاء أغسطس 29, 2007 11:25 pm

اوكى يا قمر

ميرسى على رايك

من طرف **samsoma** الخميس أغسطس 30, 2007 3:29 pm

على ايه يا جميل

ده ميرسى ليكى على مرورك
ويا ريت نشوف رأي بقيه الاعضاء

من طرف **loleta** الخميس أغسطس 30, 2007 3:45 pm

فين الاعضاء دول

حتى اويا وصوفى اختفو مش عارفه راحو فين

من طرف **samsoma** الخميس أغسطس 30, 2007 4:23 pm

ان شاء الله هنلاقى اعضاء جديده

وخديها وعد من سامسومتك

من طرف **Aoya** الجمعة أغسطس 31, 2007 9:42 pm

انا هنا يا جماعة موجودة

بس بجد التوبيك حلو والاسئلة صعب وانا دخلت وقريتها وكنت بجد بفكر في الموقف البشع ده
ومش عارفة اقول ايه غير انه بجد اوحش موقف في الدنيا
ان الواحد يحب حد مش حاسس بيه او عارف ان مثلا الشخص ده بيحبه وهو مش بيبادله نفس الشعور فبيضطر انه يتجاهله ودي حاجة صعبة جدااااااااااا بجد Sad

وانا مش عارفة بجد ايه العمل وقتها لو تعرفو قولولي
وانا طبعا ما اقدرش اوهمه اني بحبه لاني كده بكون بلعب بيه وبعلقو بيا اكتر وهيتجرح جداااا علشان كده يتجرح بفراقي عنه اهون من جرحه بخداعي ليه

اما بقى لو حد بيحبني وانا مش بحبه وانه مجدر انسان عادي عندي فهحاول افهمه اننا مجرد اصحاب ومش ينفع ارتبط بحد مش بحبه لو مجاش بالزوق يبقى الانسحاب احسن حاجة من حياته كلها وفي ناس ممكن تقول انا اتصرف بتصرفات تخليه يكرهني بس من جواهم بيكونو بيتقطعو لان دي مش مبادئهم

الحب من طرف واحد

الحب من طرف واحد

رد: الحب من طرف واحد

رد: الحب من طرف واحد

رد: الحب من طرف واحد

رد: الحب من طرف واحد

رد: الحب من طرف واحد

رد: الحب من طرف واحد

رد: الحب من طرف واحد

رد: الحب من طرف واحد

رد: الحب من طرف واحد