الحياة مقدرش اقولك حلوة بعدك قد ايه ...

من طرف **Aoya** الإثنين سبتمبر 03, 2007 2:08 pm

الحياة مقدرش اقولك حلوة بعدك قد ايه ...

معظمنا ...
لو ماكناش كلنا ..

سمعنا اغنية محمد نور الجديد (( لما يحصل ايه ))

لو اتكلمنا عن الاغنية كعناصر .. ف هي بجد من انجح الاغاني اللي اتعملت في 2007 ..

دة طبعا مش موضوعنا ..

دة انا لو هعيش عمري ف مكاني .. مش هضيع نفسي تاني
والعذاب لو كان فراقك .. هلقى راحتي وروحي فيه
....
....
....
...
الحياة مقدرش اقولك حلوة بعدك قد ايه ..

ياااااه ..

الواحد لو قرأ شوية الكلمات دول وفكر فيهم شوية

هيلاقي معاني قاسية اوي

منتهى القسوة

ايه دة كلو ؟؟

وليه يعني ؟؟

الاكيد ان اللي يقول كلمتين دول لحبيبتو
او لحبيبو

يبقى اكيد انجرح منو جرح جامد اوي

واكيد شاف منو قسوة أكتر من القسوة دي

اتعذب كتير

وتعب كتير

وخسر حاجات كتير

ورغم كدة لقى حبيبو مش مقدر العذاب والتعب والحاجات اللي بيعملها عشانو ..

انا ايه الي عايز اقولو من دة كلو يعني ..

اللي عايز اقولو حاجة يا جماعة ..

هو فعلا الحب خلاص انتهى ؟؟

بقة مجرد وقت حلو بنقضيه مع بعض ؟؟

نسمع كلمة ( بحبك ) ونقولها بمنتهى البساطة ؟؟

وبردو ندوس عليها وعلى الوعود اللي بنبينها عليها بكل بساطة ؟؟

يبقة كدة محدش غلط بقة لما قال ان الجيل بتاعنا مابيعرفش يحب

ومجرد من العواطف والاحاسيس

ماهو حاجة من اتنين

يا إما دي الحقيقة واحنة فعلا بقينا مش بنحس غير بنفسنا بس ..

يا إما اللي بيقولو كدة علينا دول عقلياتهم متخلفة ..

وللأسف ..

انا شايف إن ( يا إما ) الاولانية هي الأرجح ...

من طرف **loleta** الإثنين سبتمبر 03, 2007 10:07 pm

انا شايفه برضو ان الاولانيه هيا اللى صح ان معظم الشباب دلوقتى بيحب تيك اواى وسهل اوى انه يقول لاى حد كلمه بحبك بقت كلمه عاديه زى ازيك وصباح الخير ومش عارفين اد ايه الكلمه دى بتحمل كثير من المسؤليه

وتلاقى الولد يقول ياااااااااااه انا زهقت منها ده انا قعدت معاها ياما اوى شهرين محسسنى انو قعد معاها مليون سنه
طبعا ده مايبقاش حب واللى بيحصل دلوقتى ماينفعش يتقال عليه حب لان الحب اسمى من كده بكتير ولازم علشان اقول لحد بحبك ابقى مقدره حجم المسؤليه بتاعه الموضوع ده
وميرسى يا اويا

من طرف **Aoya** الإثنين سبتمبر 03, 2007 10:41 pm

ميرسي يا عسل على ردك

من طرف **sofy** الخميس سبتمبر 06, 2007 8:51 pm

انا مع لولاا فى رأيها

الحياة مقدرش اقولك حلوة بعدك قد ايه ...

الحياة مقدرش اقولك حلوة بعدك قد ايه ...

رد: الحياة مقدرش اقولك حلوة بعدك قد ايه ...

رد: الحياة مقدرش اقولك حلوة بعدك قد ايه ...

رد: الحياة مقدرش اقولك حلوة بعدك قد ايه ...