الحب والسن الصغير؟؟؟؟؟

من طرف **loleta** الأحد أغسطس 19, 2007 10:56 pm

ممكن تقولولى رايكم فى الحب والسن الصغير ؟؟بمعنى ان كل واحد او وحده بقى عنده 13 . 14. 15. 16 يشوف البنت او تشوف الولد يقولو هو او هى دى و يقولو انا بحبها .
ولا ده كله ممكن يبقى لعب عيال لان حب خالى من المسؤليه ....والحب هو انك تشيل مسؤليت الى بتحبه وتخاف عليه وتهتم بيه وتحاول ترضيه مش مسكت ايد وخلاص ولا ايه...؟؟؟
ايه رايكم فى الحب والسن الصغير ؟؟؟؟؟

من طرف **samsoma** الإثنين أغسطس 20, 2007 2:01 am

صراحه انا بردوا رأيى ان اللى بيحبوا فى السنين اللى انتى قلتى عليها دى بيبقوا لسه عيال

ومعظم العلاقات اللى بتسمى حب بتفشل
هما ممكن يكونوا معتقدين ان هما كبروا خلاص وعايزين يحبوا ويتحبوا بقى
وفى بردوا ناس بتقول ان الحب ما لهوش سن
يعنى مش عارفه الواحد ممكن يحب وهو عنده 5 سنين ولا ايه
وانا عن نفسى بما انى عندى 16 سنه
انا عمرى ما حبيت حد خالص
ولما حد بيسمع كده بيستغرب جدا ويبصلى كأنى كائن جاى من المريخ مثلا Sad

انتى ايه رأيك يا لولى فى الحكايه دى؟؟؟؟؟؟؟؟؟؟

من طرف **loleta** الإثنين أغسطس 20, 2007 2:48 am

بصى يا سوما يا حبيبتى اكيد المرحله دى بيكونو طالعين فيها من مرحله الطفوله لسن المراهقه يعنى عاوزين يثبتو وجودهم فى المجتمع وعاوزين يحسسو الناس انهم ليهم وجود وانهم ليهم دور وموضوع الحب ده ما نقدرش نقول عليانو لعب عيال اوى لان فى ناس بتاخدها جد وبيكملو مع بعض لحد اما بيتجوزو ودول طبعا قله قليله لا تذكر

انما اللى انا بسمعه دلوقتى وبشوفه طبعا لا يستحق انو يتقال عليه حب ولا كمان نسميه لعب عيال لان لعب العيال مش هيجى منه البلاوى والمصايب اللى بنسمع عنها دى كلها وانا شايفه ان كل واحد فى السن ده ما يستعجلش على موضوع الحب لان كل حاجه هتيجى فى وقتها وفعلا الحب مش مجرد كلمتين حلوين ومسكه ايد لا الحب اكبر من كده بمراحل
وربنا يوفقك با سوما يارب
وميرسى على ردك

الحب والسن الصغير؟؟؟؟؟

الحب والسن الصغير؟؟؟؟؟

رد: الحب والسن الصغير؟؟؟؟؟

رد: الحب والسن الصغير؟؟؟؟؟